Ný rafræn skilríki á snjallkortum fyrir endurskoðendur og bókara tekin í notkun

29.5.2009

Ríkisskattstjóri hefur ákveðið að styðja og taka í notkun rafræn skilríki á snjallkortum, starfsskilríki, frá og með 7. maí 2009 vegna skila á skattframtölum með DK-framtalsforriti.

Þessi snjallkort eru gefin út af Auðkenni í samstarfi við bankastofnanir. Rafræn skilríki á debetkortum eru einnig studd. Rafræn skilríki eru persónuskilríki og handhafar skilríkjanna á kortum geta notað þau til rafrænnar auðkenningar og undirritunar í tölvusamskiptum við hin ýmsu fyrirtæki og stofnanir.

Útgáfu rafrænna skilríkja Tollstjóra, svonefndra vefafgreiðsluskilríkja, hefur nú verið hætt. Áfram má nota þau vefafgreiðsluskilríki sem í gildi eru hjá viðskiptavinum þar til þau falla úr gildi. Til að skila skattframtali með DK-framtalsforriti eftir að vefafgreiðsluskilríki falla úr gildi, þarf því að vera með gild rafræn skilríki á snjallkorti frá Auðkenni. Við skil skattframtala er því hægt að nota gild vefafgreiðsluskilríki og rafræn skilríki í snjallkorti (debetkort og starfsskilríki).

Hægt er að sækja um starfsskilríki frá Auðkenni. Nauðsynlegt er að sækja tímanlega um starfsskilríkin til að tryggja samfelldan aðgang að skilum framtala með DK-forritinu.